कॉम्प्युटर वेबकॅमद्वारे प्रियकरासोबत हितगुज करताना अचानक उद्भवलेल्या वादातून प्रेयसीने गळफास लावून घेत आत्महत्या केल्याची घटना बुधवारी विलेपार्ले येथे घडली. ही संपूर्ण घटना हतबल प्रियकराने डोळ्यांनी पाहिली.

रिक्षाभाडे देण्यावरून झालेल्या वादात रिक्षाचालकाने प्रवाशाची हत्या केल्याची घटना येथून जवळच असलेल्या जांभूळपाडा येथे २२ मे रोजी मध्यरात्री घडली. या हत्येनंतर रिक्षाचालक आणि त्याचे सहकारी फरार झाले आहेत.

जकातीद्वारे मिळणार्‍या महसुलात अधिक वाढ करण्यासाठी जकात चोरांविरुद्ध मोहीम उघडली असतानाच जकात चोरीप्रकरणी महापालिकेच्या आठ अधिकार्‍यांवर निलंबनाची कारवाई करण्यात आली आहे.

सध्याच्या चित्रपटसृष्टीचे गॅम्लर पाहता चित्रपट आणि टेलिव्हिजन क्षेत्रात करिअर करण्यासाठी उत्सुक असलेल्यांची संख्या झपाट्याने वाढत आहे. त्यांच्यासाठी मुंबई विद्यापीठ येत्या शैक्षणिक वर्षांपासून फिल्म आणि टेलिव्हिजन संबंधित पाच अभ्यासक्रम सुरू करीत आहे.

शिवसेनाप्रमुख बाळासाहेब ठाकरे यांच्या अंत्यसंस्काराच्या खर्चाचा वाद अखेर आज मिटला. हा खर्च देण्याची तयारी मनसेने दाखवताच शिवसेनेचे पक्षप्रमुख उद्धव ठाकरे यांनी पालिकेला पाच लाखांचा धनादेश देऊन या वादावर पडदा टाकला.

चित्रपट निर्माता गौरंग दोशी यांनी पत्नीला थकीत देखभाल खर्च द्यावा, अन्यथा त्यांच्याविरुद्ध अवमानतेची कारवाई केली जाईल, असे आदेश उच्च न्यायालयाने दिले आहेत.

आयपीएलमधील स्पॉट फिक्सिंग गाजत असतानाच कल्याणमध्ये सुरू असलेल्या क्रिकेट बेटिंगचा पर्दाफाश कल्याण गुन्हे अन्वेषण विभागाच्या पोलिसांनी केला असून बुधवारी पार पडलेल्या राजस्थान रॉलय विरुद्ध सनराईज हैद्राबाद या मॅचवर बेटिंग लावणार्‍या 3 बुकिंना अटक करण्यात आली आहे. नंतर त्यांची जामिनावर सुटका करण्यात आली.

नवी मुंबईप्रमाणे पनवेल परिसरालाही सोनसाखळी चोरट्यांचा विळखा पडला आहे. जानेवारी २0११ ते मार्च २0१३ पर्यंत या परिसरात तब्बल २२८ महिलांचे दागिने चोरीला गेले आहेत. यामधील फक्त १0६ गुन्ह्यांचा तपास लागला असून १२२ गुन्ह्यांचा तपास लावण्यात पोलिसांना अपयश आले आहे.

शहरातील स्वच्छतेचे तीनतेरा वाजले असतानाच २१ मे रोजी सरपंच प्रणय डोके, उपसरपंच शैलेंद्र देशपांडे यांनी ग्रा.पं.चा कार्यभार हाती घेतल्यानंतर शहराच्या स्वच्छतेबाबत धाडसी पाऊल उचलले आहे.

तालुक्यातील विहिघर गावात ८ मे रोजी झालेल्या रतन फडके यांच्या खुनाच्या उलगडा करण्यात पनवेल गुन्हे शाखेला यश आले असून या खुनातील मुख्य आरोपींना पोलिसांनी अटक केली आहे. फिर्यादीने दिलेल्या चुकीच्या माहितीमुळे गुंतागुंतीच्या झालेल्या या खून प्रकरणातील चक्रावून टाकणारे सत्य अखेर समोर आले आहे.

दुसर्‍या दिवशीदेखील कर्मचार्‍यांचा असहकार कायम राहिल्याने मीरारोडला धावणार्‍या टीएमटीच्या खाजगी ठेकेदाराच्या बसेस धावल्याच नाहीत. ठेकेदार आणि कर्मचारी यांच्यातील वाद आणखीनच उफाळल्याने त्याचा फटका मात्र या मार्गावरील प्रवाशांना बसतो आहे. उद्यापर्यंत हा असहकार सुरूच राहणार आहे.

लग्नाचे आमिष दाखवत एका १६ वर्षीय मुलीला झोपडीत नेऊन पाच दिवस अत्याचार करणार्‍या कळव्याच्या मफतलाल झोपडपट्टीतील प्रदीप जयस्वाल (१८) याच्याविरोधात बुधवारी कळवा पोलीस ठाण्यात गुन्हा नोंदवण्यात आला आहे.