पोलीस दलात सहभागी होण्याचे स्वप्न स्वत:च्या डोळ्यात पेरलेली उमद्या तरुणांची फौज यवतमाळ शहरात दाखल झाली आहे. जिल्हा पोलीस दलाच्यावतीने १९५ शिपाई पदांच्या रिक्त जागांसाठी भरती होत असून राज्याच्या कानाकोपर्‍यातून आलेल्या तरुणांनी शहरातील रस्ते फुलून गेले आहेत.

गडचिरोली : कार्यकर्ता पक्षाचा सैनीक आहे. मिशन २0१४ लक्षात ठेवून कार्यकर्त्यांंंनी आपआपल्या गावात घोटाळेबाज सरकारचे खरे रूप जनतेला सांगावे व विकासापासून वंचित ठेवणार्‍या शक्तीचा नायनाट करावा, असे आवाहन भाजपच्या आदिवासी विकास आघाडीचे प्रदेशाध्यक्ष माजी आमदार अशोक नेते यांनी केले. भारतीय जनता पार्टीची जिल्हा कार्यकारीणीची बैठक शुक्रवारी १७ मे रोजी पार पडली.

गडचिरोली : जिल्ह्यात बदली झालेले अधिकारी आणि कर्मचारी रूजू होत नाहीत याची गंभीर दखल घेत बदली आदेश निघाल्यापासून १५ दिवसाच्या आत जे अधिकारी, कर्मचारी रूजू होणार नाही त्यांच्या विरूध्द निलंबनाची कार्यवाही केल्या जाईल, असा इशारा मुख्य सचिव जयंतकुमार बांठीया यांनी आज दिला. गडचिरोली जिल्हाधिकारी कार्यालयाच्या सभागृहात आयोजित आढावा बैठकीत ते बोलत होते.

भंडारा : लोकमत सखी मंचतर्फे लाखनी येथे सर्मथ विद्यालय सांस्कृतिक सभागृह व भंडारा येथील खान मॅरेज हॉल येथे महाराष्ट्राचा मास्टर शेफ स्पर्धेचे आयोजन करण्यात आले होते. स्पर्धेत जिल्हाभरातून २00 पेक्षा अधिक स्पर्धकांनी भाग घेऊन उत्स्फूर्त प्रतिसाद नोंदविला.

तुमसर : कृषी उत्पन्न बाजार समिती, तुमसर तथा कृषी व पणन विभाग, भंडारा यांच्या संयुक्त विद्यमाने जिल्हास्तरीय कृषी प्रदर्शनी व शेतकरी मेळाव्याचे समारोपीय कार्यक्रम संपन्न झाले.

विदर्भातील जिल्ह्यांपैकी असलेला भंडारा जिल्हा पितळी भांड्यांसह कोसा उत्पादनासाठी प्रसिद्ध आहे. भंडारा शहर हे जिल्ह्यचे मुख्य ठिकाण. मात्र या शहराची स्वत:ची एक ओळख असावी, असे एकही विशेषण नाही. शहराचा विकास आणि प्रगती कुठेतरी थांबली असल्याचे जाणवते. भंडार्‍याची अधोगती झाली काय? असा प्रश्न जनसामान्याने विचारला तर नवल वाटू नये, मात्र या प्रश्नावर एक प्रश्न आवासून उभा राहतो, तो म्हणजे, साहेब, भंडार्‍याचा चेहरा बदलणार काय?

वडाळी वनपरिक्षेत्रातील पोहरा जंगलात लागलेल्या शुक्रवारच्या आगीमुळे जंगलातील वनौषधी जळून खाक झालीे. सलग पाच वेळा लागलेल्या आगीमुळे वनवैभव नष्ट झाले. जिल्ह्यातील दुसर्‍या क्रमांकाच्या पोहरा जंगलातील आगीने आतापर्यंतचे सर्वच उच्चांक मोडले. अधिकार्‍यांच्या बेपर्वावृत्तीने निसर्गाची मोठी हानी झाली आहे.

गोंदियात क्रिकेट सट्टा : तीन आरोपी फरार
गोंदिया: सर्वत्र आयपीएल क्रिकेटचा ज्वर चढला असताना गोंदियातील क्रिकेटचा सट्टाबाजारही तेजीत आहे. दोन दिवसांपूर्वी गोंदिया पोलिसांनी टाकलेल्या धाडीत ४ जणांना अटक केली होती. मात्र यातील ३ मुख्य आरोपी अद्याप फरार आहेत. दरम्यान या सट्टाबाजाराचे लिंक दिल्ली, रायपूर आणि नागपूरपर्यंत असल्याचे सांगितले जात आहे.

येथील वीज केंद्राच्या सुरक्षेकरिता आता केंद्रीय औगोगिक सुरक्षा दलाला पाचारण करण्याच्या हालचाली सुरु झाल्या आहे. यासंदर्भात सीआयएसएफच्या एका पथकाने नुकतेच सर्वेक्षण केले आहे. दिल्ली येथील मुख्यालयाने गृह संरक्षण मंत्रालयाकडे प्रस्ताव सादर केला असून या प्रस्तावाला लवकरच मंजुरी मिळणार आहे.

नागपूर : रायसोनी समूह, लोकमत सखी मंच, युवा नेक्स्ट आणि बालविकास मंचच्या संयुक्त विद्यमाने नृत्य प्रशिक्षण कार्यशाळेचे आयोजन करण्यात आले आहे. तीनही मंचच्या सदस्यांसाठी ही कार्यशाळा नि:शुल्क आहे. २0 मे ते ८ जूनपर्यंंत चालणार्‍या या कार्यशाळेत बॉलिवूड, कन्टेंपररी, फ्रीस्टाईल, हिपहॉप, झज-सालसा आदींचे प्रशिक्षण देण्यात येईल.

नरेश डोंगरे ल्ल नागपूर
भ्रष्टाचाराचा आरोप असलेल्या राज्यातील ९८ लाचखोरांवर पुढच्या कारवाईसाठी परवानगी मिळावी यासाठी एसीबीकडून (लाचलुचपत प्रतिबंधक विभागाकडून) पाठविण्यात आलेल्या फाइल्स शासनाकडे धूळ खात पडून आहेत. भ्रष्टाचार निखंदून काढण्याचा ढोल बडवणार्‍या राज्य शासनाकडून ‘हायप्रोफाईल’ भ्रष्टाचार्‍यांना कसे पद्धतशीर ‘सुरक्षा कवच’ दिले जाते, त्याचे धक्कादायक वास्तव यातून उजेडात आले आहे.

चंद्रशेखर बोबडे ल्ल नागपूर
नागपूर जिल्ह्यासह पूर्व विदर्भातील सिंचन क्षेत्रात वाढ करण्यासाठी उपयुक्त ठरणार्‍या पण गेल्या २५ वर्षांपासून रखडलेल्या गोसेखुर्द प्रकल्पाच्या पुनर्वसनासाठी मुख्यमंत्र्यांनी अलीकडेच पॅकेज जाहीर केले खरे. पण त्यापूर्वी जाहीर केलेल्या पॅकेजचा अनुभव लक्षात घेतला तर नवीन पॅकेजची अंमलबजावणी वेळेत होते की त्यालाही विलंब लागते, यावरच त्याचे यशापयश अवलंबून असणार आहे.