शालेय बसला आग लागून १७ विद्यार्थी आणि एका शिक्षकाचा होरपळून मृत्यू झाला. पाकिस्तानच्या पंजाब प्रांतात ही भीषण दुर्घटना घडली. गॅस सिलिंडरमधून गळती झाल्यामुळे ही आग लागल्याचे सांगण्यात येते. गुजरानवाला शहराजवळ घडलेल्या या दुर्घटनेमध्ये सात विद्यार्थी जखमी झाले.

पूर्व पाकिस्तानातील गुजरात शहरापासून काही अंतरावर स्कूल बसमधील गॅस सिलिंडिरचा स्फोट झाल्याने सुमारे १७ विद्यार्थी ठार झाल्याची माहिती पोलिसांनी दिली आहे. शनिवारी सकाळी ही दुर्घटना घडली.

रशियाच्या पूर्वेकडील समुद्रात आज झालेल्या शक्तिशाली भूकंपामुळे त्सुनामीचा इशारा देण्यात आला. हा भूकंप राजधानी मॉस्कोसह इतर अनेक शहरात जाणवला; मात्र यात कोणतीही हानी झाल्याचे अद्याप वृत्त नाही.

निताकत कामगार कायदा सौदी अरेबियाने संमत केल्याचा परिणाम म्हणून हजारो भारतीय कामगार सौदी अरब सोडून मायदेशी येत आहेत.

अमेरिकेत भारतीय वंशांच्या नागरिकांची यशस्वी घौडदौड सुरू असून गुरुवारी अमेरिकेच्या व्दितीय स्तरावरील न्यायालयाच्या न्यायाधीश पदावर भारतीय वंशांचे श्रीकांत श्रीनिवासन यांची वर्णी लागली.अमेरिकेत न्यायाधीश पदावर नियुक्त झालेले ते पहिले दक्षिण आशियाई आहेत.

जगभरातील सिनेसृष्टीतील तारक-तारकांच्या उपस्थितीने आकर्षणाचा केंद्रबिंदू ठरणा-या कान्स महोत्सवाला यंदा चोरट्यांचे गालबोट लागले आहे. यंदा या महोत्सवात चोरट्यांनी तब्बल ४० लाख डॉलरच्या दागिन्यांवर डल्ला मारल्याने आयोजक हतबल झाले आहेत.

गस्त घालणार्‍या सैनिकांच्या पथकावर बंडखोरांनी केलेल्या हल्ल्यात किमान १0 सैनिक मारले गेले असून, सहा जखमी झाले आहेत. कमांडर जनरल जुआन पाब्लो यांनी दिलेल्या माहितीनुसार ईशान्य भागातील चितागा येथे गस्त घालणार्‍या पथकावर ईएलएन बंडखोरांनी पहाटे २ वाजता हल्ला केला.

वायव्य पाकिस्तानातील क्वेट्टा येथून सुरक्षा कर्मचार्‍यांना घेऊन जाणार्‍या बसमध्ये बॉम्बस्फोट होऊन किमान १२ लोक ठार झाले व २0 जण जखमी झाले. हा बॉम्ब ऑटोरिक्षात ठेवण्यात आला होता.

हिमालयातील ८,८४८ मीटर उंचीचे एव्हरेस्ट शिखर सर करण्याच्या जिद्दीने जगभरातून आलेल्या हौशी तसेच पट्टीच्या गिर्यारोहकांची सध्या या शिखराच्या पायथ्याशी गर्दी उसळली असून शेवटच्या बेसकॅम्पवरून शिखरावर पोहोचणारा गिर्यारोहक आणि शेरपा वाटाड्यांचा प्रत्येक चमू प्रत्यही दररोज नवा विक्रम प्रस्थपित करीत आहे.

स्पर्धकांच्या भूगोलविषयक सामान्यज्ञानाचा कस लावणारी ‘नॅशनल जिओग्राफिक बी कॉन्टेस्ट’ ही स्पर्धा सात्विक कर्णिक या १२ वर्षीय विद्यार्थ्याने जिंकून ‘नॅशनल जिओग्राफिक सोसायटी’तर्फे घेतल्या जाणार्‍या ‘बी’ व ‘स्पेलिंग बी’ या अमेरिकेत अत्यंत प्रतिष्ठेच्या मानल्या जाणार्‍या दोन्ही स्पर्धांमधील भारतीय वंशियांचा वरचष्मा कायम ठेवला आहे.

लंडन शहरात लष्करी बराकीच्या बाहेर एका ब्रिटिश सैनिकाचा दोन हल्लेखोरांनी शिरच्छेद केल्याची घटना घडली. बुधवारी घडलेल्या या घटनेने संपूर्ण शहर हादरले असून आम्हाला आज लंडनमध्ये युद्ध सुरू करायचे आहे. आम्ही डोळ्यासाठी डोळा घेऊ व दातासाठी दात घेऊ, असे हल्लेखोरांनी जाहीर केले.

लंडन येथे दोघा इस्लामी तरुणांनी ब्रिटीश सैन्यातील एका जवानावर प्राणघातक हल्ला करुन त्याची हत्या केल्याची घटना बुधवारी घडली. हत्येनंतर मारेक-यांनी अरबी भाषेत 'देव महान आहे' अशी घोषणा केल्याने हा दहशतवादी हल्ला असल्याचा संशय व्यक्त होत आहे.